Ótken jyly 602 laýazymdy tulǵa tártiptik jazaǵa tartyldy
«Agenttiktiń basym baǵyttarynyń biri – halyqqa sapaly memlekettik qyzmet kórsetýdi qamtamasyz etý. Qyzmet alýshylardyń quqyqtaryn proaktıvti túrde qorǵaý jáne qalpyna keltirýge erekshe nazar aýdaryp otyrmyz. Azamattardyń shaǵymdaryn kútpeı-aq, qashyqtan monıtorıng jasap, quqyq buzýshylyqtar bolǵan jaǵdaıda zańdylyqty ornatý tájirıbesin bastadyq», - dedi ol agenttiktiń keńeıtilgen alqa otyrysynda.
Agenttik basshysynyń aıtýynshy, 2022 jyly 756 tekserý sharalary júrgizildi. Onyń ishinde aldyn alý negizinde 290 jáne jospardan tys 466 tekserý bolǵan.
«Tekserý barysynda 46 myńǵa jýyq zań buzýshylyq anyqtaldy. 602 laýazymdy tulǵa tártiptik, 305-i ákimshilik jaýapkershilikke tartyldy. Sot sheshimimen qysqartylǵan ister bolǵan joq. Agenttik taldaý jáne monıtorıng negizinde 21 ortalyq memlekettik organǵa jáne «Ulttyq aqparattyq tehnologııalar» aktsıonerlik qoǵamyna buzýshylyqtardyń aldyn alýǵa jáne qyzmet alýshylardyń quqyqtaryn qorǵaýǵa baǵyttalǵan 1200-den astam usynys joldandy. Aqparattyq júıelerdiń jumysyna da monıtorıng júrgizildi. Onyń qorytyndylary Premer-Mınıstrdiń atyna engizildi. Nátıjesinde, Tsıfrlyq damý mınıstrligi agenttik anyqtaǵan kemshilikterdi joıý jónindegi keshendi jospardy bekitti. Jospar portalda jumys istemeı turǵan 25 elektrondyq qyzmetti qalpyna keltirýdi, 9 qyzmet boıynsha aqparattyq júıelerdiń fýnktsıonalyn pysyqtaýdy, 11 derekqordy yqpaldastyrýdy kózdeıdi», - dedi Darhan Jazyqbaev.
