Ótken jyly 417 myń adam bir rettik jórgekpul aldy
ASTANA. QazAqparat - 2014 jyly 417 myńnan astam adam bala týylýyna baılanysty tólenetin bir rettik járdemaqy aldy, dep habarlady QR Densaýlyq saqtaý jáne áleýmettik damý mınıstrliginiń baspasóz qyzmetinen.
«Balalary bar otbasylarǵa tólenetin memlekettik járdemaqylar týraly» zańǵa sáıkes, 2014 jyly 417,8 myń azamatqa bala týylýyna baılanysty bir rettik járdemaqy berilip, bul maqsatqa respýblıkalyq bıýdjetten 26,1 mlrd. teńge jumsaldy.
Birinshi, ekinshi jáne úshinshi bala týylǵanda tólenetin jámdemaqy mólsheri 58 172 teńgeni qurasa, tórtinshi jáne odan kóp bala dúnıege kelgen jaǵdaıda 96 953 teńge tólenedi. 2015 jyly bala týylýyna baılanysty bir rettik járdemaqy tóleýge respýblıkalyq bıýdjette 28,4 mlrd. teńge qarastyrylǵan.
