Ótken jyly 31 myńnan astam qazaqstandyq joǵary mamandandyrylǵan medıtsınalyq kómekke ıe boldy
ASTANA. 15 aqpan. QazAqparat - 2011 jyly Ulttyq medıtsınalyq holdıng klınıkalarynda 31 myńnan astam qazaqstandyq joǵary mamandandyrylǵan medıtsınalyq kómekke ıe boldy, dep habarlady Pm.kz saıtyna bergen arnaıy suhbatynda «Ulttyq medıtsınalyq holdıng» AQ basqarma tóraǵasy Eljan Birtanov.
«Ótken jyly holdıng klınıkalarynda 31 myńnan astam naýqas statsıonar deńgeıinde emdelse, 600 myń adam ambýlatorııalyq deńgeıde keńes aldy», - dedi E.Birtanov.
2011 jyly Ulttyq ǵylymı kardıohırýrgııalyq ortalyqtyń ashylýy mańyzdy oqıǵa boldy. Búgingi tańda holdıng quramynda 6 uıym jumys isteıdi.
Qoryta aıtqanda, kepildendirilgen tegin medıtsınalyq kómek qurylymynda holdıng klınıkalary joǵary medıtsınalyq kómek kórsetý salasynda negizgi ról atqarady.
"Kómektiń qoljetimdiligine toqtalatyn bolsaq, holdıng klınıkalarynyń esigi kez kelgen azamatqa ashyq. Máselen, basqa qaladan kelip em qabyldaýshylar sany 70 paıyzǵa deıin kóbeıgen, bul Biryńǵaı densaýlyq saqtaý júıesiniń aıasynda júzege asyrylýda", - dep túıindedi E.Birtanov.
