Ótken jyly 265 laýazymdy tulǵa tártiptik, 99 maman ákimshilik jaýapqa tartyldy – Darhan Jazyqbaev
«Memlekettik qyzmet salasynda baqylaýdy uıymdastyrýda basty nazarda. Zańnama men ádep kodeksiniń saqtalýyn júzege asyrý, etıkalyq quqyq buzýshylyqtardyń aldyn alý qyzmetin úılestirýdi bizdiń agenttik turaqty júrgizip keledi. Máselen, ótken jyly 720 tekserý júrgizilip, memlekettik qyzmet salasynda zań buzýshylyqtar anyqtaldy», - dedi Darhan Jazyqbaev agenttiginiń keńeıtilgen alqa otyrysynda.
Onyń aıtýynsha, memlekettik organdarda ádep jónindegi keńes turaqty ótip turady.
«Jiberilgen zań buzýshylyqtar úshin 265 laýazymdy tulǵa tártiptik jaýapqa tartyldy. Sonymen qatar 107 ákimshilik is qozǵalyp, nátıjesinde 99 maman ákimshilik jaýapkershilikke tartyldy. Atalǵan sharanyń qorytyndysy boıynsha bıýdjetke 3 mln teńge qarjy tústi. Memlekettik qyzmetshiler arasynda qabyldanǵan qyzmettik ádepti buzýshylyqtyń aldyn alý maqsatynda ádep jónindegi keńester men 176 otyrys ótti. Jıynda 1129 másele qaraldy jáne máseleniń 48 paıyzy tártippen baılanysty», - deıdi ol.
Sondaı-aq, agenttik basshysy memlekettik qyzmetshilerge degen halyqtyń senimin arttyra túsý úshin azamattardy qabyldaý sharasyna erekshe nazar aýdarý kerektigin eske saldy.
