Ótken jyly 21 myń tonna ýran óndirildi - Áset Maǵaýov

NUR-SULTAN. QazAqparat - Parlament Májilisiniń jalpy otyrysynda QR Energetıka vıtse-mınıstri Áset Maǵaýov Qazaqstanda ýran óndirýdiń kólemi týraly aıtty, dep habarlaıdy QazAqparat tilshisi.

«Biz ýran qory boıynsha álemde ekinshi oryndamyz. Onyń qory 1,5 mln tonnaǵa baǵalanýda. Óndirý baǵytynda biz álemde birinshi oryndamyz. Byltyr 21,6 myń tonna ýran óndirdik. Jalpy, resýrstyq bazany ary qaraı keńeıtý boıynsha eleýli perspektıvalar bar. Ulttyq kompanııa aldynda tolyq otyn tsıklin qurý turǵysynda tıisti mindet tur», - dedi Á. Maǵaýov.

Osy oraıda, vıtse-mınıstr Óskemende qajetti zaýyt salynyp jatqanyn, 2019 jyly bul zaýyt paıdalanýǵa beriletinin atap ótti.

«Sonymen birge, Úlbi zaýytynda qytaılyq seriktester úshin tabletkalardy óndirý iske qosyldy. Bizde ulttyq ıadrolyq ortalyq aıasynda zertteý reaktorlary bar, olarda radıatsııalyq qaýipsizdik boıynsha túrli materıaldardy zertteý júrgiziledi», - dedi ol.

Munymen qosa, Á. Maǵaýov Qazaqstanda «Toqamaq» zertteý reaktory salynǵanyn eske saldy.

«Bıyl ony is júzinde paıdalaný eskerilip otyr. Jalpy, reaktor 100 paıyzǵa daıyn tur. Qazirgi kezde osy reaktorda turaqty plazmany alý josparlanyp otyr. Atap aıtqanda, bul kelisim aıasynda eshqandaı shekteýlerdi kórip turǵanymyz joq», - dedi ol.

Budan buryn habarlanǵanda, búgin Parlament Májilisiniń jalpy otyrysynda «ıAdrolyq qarýǵa tyıym salý týraly shartty ratıfıkatsııalaý týraly» zań jobasy maquldandy.

«Semeı synaq polıgonyn jabý týraly Elbasynyń tarıhı sheshimi Qazaqstan halqynyń keń qoldaýyna ıe. Shartty ratıfıkatsııalaý Qazaqstannyń ıadrolyq qarýsyzdaný salasyndaǵy bastamalarymen tolyqtaı sáıkes keledi. Osy zań jobasyn qabyldaý respýblıkalyq jáne jergilikti bıýdjetterden qosymsha qarajat bólýdi talap etpeıdi», - dedi Erjan Ashyqbaev.