Ótken jyly 195570 ul, 185435 qyz bala dúnıege keldi - Statıstıka
ASTANA. 3 shilde. QazAqparat - Ótken jyly elimizde 195570 ul, 185435 qyz bala dúnıege keldi. Bul derekti QR Statıstıka agenttiginiń baspasóz qyzmeti taratty.
«2012 jyly Qazaqstan Respýblıkasynda AHAT organdarymen 381 005 bosanǵan áıel tirkeldi. Onyń ishinde qalalyq mekenderde - 206 198 adam, aýyldyq jerlerde - 174 807 adam. Dúnıege kelgen er balalardyń sany 195 570 adamdy (51,3%) qyz balalar - 185 435 adamdy (48,7%), týǵan kezdegi jynystardyń araqatynasy 100 qyz balaǵa shaqqanda 105,5 er balany qurady»,- delingen habarlamada.
Vedomstvonyń atap ótýinshe, 2002 jylmen salystyrǵanda dúnıege kelgender sany 67,7 paıyzǵa (er balalar - 68,5%-ǵa, qyz balalar - 66,9%-ǵa), qalalyq mekenderde - 68,5, aýyldyq jerlerde - 66,8 paıyzǵa artty.
Qazaqstan óńirleri boıynsha 1 000 turǵynǵa shaqqandaǵy týýdyń eń joǵary deńgeıi Manǵystaý - 30,49, Ońtústik Qazaqstan - 30,23, Atyraý - 28,37 jáne Qyzylorda - 28,10 oblystarynda belgilendi. Eń tómengi kórsetkish Qostanaı - 14,93, Shyǵys Qazaqstan - 16,67 jáne Pavlodar - 17,19 oblystarynda baıqaldy.
Reprodýktıvti kezeńinde (15-49 jas) bir áıeldiń orta eseppen alǵandaǵy dúnıege ákeletin balalar sanyn kórsetetin týýdyń jıyntyq koeffıtsıenti (TJK) 2012j. 2,62 qurady jáne 10 jyl ishinde 0,74-ke ósti (2002j. - 1,88). Qalalyq mekenderde TJK 2,39 (2002j. - 1,68), aýyldyq mekenderde 2,97 (2002j. - 2,19) boldy.
