Ótken jyly 10 myńnan astam sheteldik Astanada emdeldi
ASTANA. QazAqparat - Buryn dıagnostıka men emdeý sharalarynyń ozyq úlgileri tek respýblıkalyq emxanalarda ǵana bolsa, búginde ondaı qyzmetter qalalyq aýrýxanalarda kórsetiledi, dep xabarlaıdy QazAqparat tilshisi.
Astanada ótken medıtsına qyzmetkerlerin marapattaý saltanaty aıasynda taratylǵan aqparatqa sáıkes, sońǵy eki jyldyń ishinde elordada jedel medıtsınalyq kómek kórsetetin qalalyq stansy, balalar aýrýxanasy, narkologııa jáne psıxoterapııa ortalyǵy, týberkýlezge qarsy dıspanser, qalalyq emxana jáne taǵy basqa medıtsınalyq nysandar salyndy. "№4 qalalyq emxanada sońǵy úlgidegi gerontologııalyq ortalyq ashyldy. Sonyń negizinde sapaly dıagnostıkalyq sharalardy júrgizýge múmkindik bar", - delingen resmı xabarlamada.
Budan bólek, búginde "Smart medıtsına" jobasy engizilip keledi. Negizgi maqsat - medıtsınalyq mekemelerdi tolyǵymen avtomattandyrý. Barlyq sharalardy iske asyrýdyń arqasynda Qazaqstannyń medıtsınalyq qyzmetterine júginetin sheteldikterdiń sany artyp keledi. Máselen, ótken jyly Astanadaǵy mekemelerde 10,3 myń shetel azamaty emdeldi. Eki jyl buryn atalǵan kórsetkish 3,6 myń adam bolǵan.
Aıta keteıik, búgin Astanada medıtsına salasy qyzmetkerleriniń kúnine arnalǵan saltanatty shara ótti. Sol jerde qala ákimi Áset Isekeshev úzdik dárigerlerge páter kiltterin tabystady.
