Ótken jylý berý maýsymynda ishimdikke masaıǵan kúıinde 112 adam kóz jumdy
ASTANA. QazAqparat - Órt kezinde adamdardyń qaza bolýyna alkogoldik ishimdik sebep bolyp otyr. Bul týraly búgin baspasóz máslıhatynda QR ІІM Tótenshe jaǵdaılar komıtetiniń resmı ókili Rýslan Imanqulov málim etti.
«Jylý berý maýsymyndaǵy órt kezinde adamdardyń qaza bolýyna yqpal etetin negizgi jaǵdaılarǵa toqtalǵym keledi. Tótenshe jaǵdaılar komıteti júrgizip jatqan túsindirý jumystaryna qaramastan, 2014-2015 jyldardaǵy jylý berý kezeńinde adamdardyń qaza bolýy faktileri oryn alýda. Atap aıtqanda, ótken jylý berý maýsymynda ishimdikke masaıǵan kúıinde 112 adam kóz jumdy. Sonymen qatar adamdardyń qaza bolýyna órt kezinde uıqyda bolýy, balalardy qaraýsyz qaldyrý, órt kezinde durys áreket etpeý sekildi keńinen taralǵan sebepter tirkelip otyr», - dedi resmı ókil.
R. Imanqulovtyń sózine qaraǵanda, 2014-2015 jyldardaǵy jylý berý kezeńinde memlekettik órtke qarsy qyzmet organdary 556 adamdy qutqarǵan, sonymen qatar 61 mlrd. teńgeden astam somadaǵy materıaldyq qundylyqtardy saqtap qaldy.
