Ótken jylmen salystyrǵanda qysqa merzimdi ekonomıkalyq ındıkator 107,1 paıyzdy qurady - Statıstıka
ASTANA. 14 sáýir. QazAqparat /Rýslan Ǵabbasov/ - Ótken jylmen salystyrǵanda 2011 jyldyń qańtar-naýryz aralyǵynda qysqa merzimdi ekonomıkalyq ındıkator 107,1 paıyzdy qurady.
Bul týraly búgin Astanada ótken Onlaın konferentsııada QR Statıstıka agenttiginiń tóraǵasy Álıhan Smaıylov málim etti.
Tóraǵanyń sózine qraǵanda, bıylǵy jyldyń 1 toqsanynda ónerkásiptik óndiristiń kólemi qoldanystaǵy baǵalar turǵysynda 3661 mlrd. teńgeni qurady. Bul kórsetkish 2010 jyldyń 1 toqsanymen salystyrǵanda 6 paıyzǵa artyq. Ken óndirý ónerkásibinde jáne karerlerdi qazýda - 5 paıyzǵa, óńdeý ónerkásibinde - 8 paıyzǵa, elektr energııasymen jabdyqtaý, gaz, bý berý salasynda - 6,2 paıyzǵa, sýmen jabdyqtaýda, káriz júıesi, qaldyqtardy jınaý baǵytynda - 3 paıyzǵa óndiris ósimi baıqaldy.
«Bıylǵy jyldyń qańtar-naýryzynda aýyl sharýashylyǵy ishki jalpy ónim kólemi 175,1 mlrd. teńgeni qurady. Bul kórsetkish 2010 jyldyń osy kezeńine qaraǵanda 1,8 paıyzǵa artyq.
