Ótken jylǵy mektep túlekteri UBT-ǵa qatysyp, qaıtadan grant konkýrsynda baq synaı alady

ASTANA. QazAqparat - Ótken jylǵy mektep jáne kolledj túlekteri bıylǵy negizgi UBT-ǵa qatysyp, 1-kýrsqa túse alady, dep habarlaıdy QazAqparat.

Ulttyq testileý ortalyǵynyń málimetinshe, olar qazirgi ýaqytta ýnıversıtette aqyly bólimde oqyp jdúrgen bolsa, UBT-ǵa qatysý úshin mindetti túrde ýnıversıtetten shyǵýdyń qajeti joq.

Joǵary oqý ornynda oqyp jatyp UBT tapsyra berýge bolady.

Alaıda testileýden tıisti ball jınap, grant konkýrsyna ótinish beretin kezde stýdent retinde eshqandaı ýnıversıtette tirkelmegen bolýy kerek.

Qaıtalap óteıik, UBT tapsyrý kezinde ýnıversıtette oqı berýge bolady, al grant konkýrsyna qatysatyn kezde - bolmaıdy.

Sondaı-aq, esterińizge sala keteıik, basqa BBBT-ǵa aýysýǵa nıetti shyǵarmashylyq mamandyq stýdentteri men aqyly negizde «pedagogıkalyq ǵylymdar» bilim salasyna aýysýǵa nıetti bilimgerler tek qańtar jáne tamyz aılaryndaǵy UBT-ǵa qatysa alady.