Ótken jylǵy astyqtyń 5,5 mln. tonnasy eskporttaldy - A. Kúrishbaev
ASTANA Naýryzdyń 29-y. QazAqparat /Arman Asqarov/ - Naýryzdyń 20-sy kúngi jaǵdaı boıynsha ótken jylǵy astyqtyń taǵy 5,5 mln. tonnasy eskporttaldy. Bul týraly Úkimettiń búgingi selektorlyq otyrysynda QR Aýyl sharýashylyǵy mınıstri Aqylbek Kúrishbaev málim etti,
dep habarlaıdy QazAqparat.
Mınıstrdiń aıtýynsha, Úkimettiń qolǵa alǵan is-sharalary nátıjesinde búginde otandyq ónim óndirýshilerden 5 mln tonna astyq satyp alyndy. Osynyń arqasynda elimizdiń ishki naryǵyndaǵy jaǵdaı turaqtanyp jatyr. «Naýryzdyń 20-sy kúngi jaǵdaı boıynsha ótken jylǵy astyqtyń taǵy 5,5 mln. tonnasy eskporttaldy. Bul ótken jylǵymen salystyrǵanda 1,3 mln. tonnaǵa artyq. Buǵan qaramastan bizde áli de qıyndyqtar bar. Sebebi, egin egetin negizgi oblystarda ornalasqan elevatorlar tolyp tur. Al astyqtyń álemdik baǵasynyń tómendeýine baılanysty bul taýardy eksporttaýdyń deńgeıi de túsýde», dedi A. Kúrishbaev.
Mınıstr atap kórsetkendeı, búgingi tańda ótken jyly jınalǵan rekordtyq astyqtyń 4,9 mln. tonnasy qalyp qoıyp otyr. «Búgingi tańda osy astyqty jeńildetip eksporttaý úshin 10 mlrd. teńge qajet. Bul elimizdiń ishki astyq naryǵyndaǵy jaǵdaıdy tolyǵymen turaqtandyrýǵa múmkindik beredi», dedi mınıstr.
