Ótken jyldyń jeltoqsanynda respýblıka ekonomıkasynda 8,1 mln. adam jumyspen qamtyldy - Statıstıka
ASTANA. 13 qańtar. QazAqparat - Ótken jyldyń jeltoqsanynda respýblıka ekonomıkasynda 8,1 mln. adam jumyspen qamtyldy. Bul aqparatty QR Statıstıka agenttiginiń baspasóz qyzmeti taratyp otyr.
Vedomstvonyń aqparatyna sáıkes, 2009 jyldyń sáıkes kezeńimen salystyrǵanda ótken jyly jumyspen qamtylǵandar sany 206,9 myń adamǵa nemese 2,6 paıyzǵa arta túsken. Sonymen qatar atalǵan kezeńde jaldamaly qyzmetkerlerdiń sany 5,5 mln. adamdy (jumyspen qamtylǵandardyń jalpy sanynan 67,1 paıyzy) quraǵan.
«2010 jylǵy jeltoqsanda baǵalaý boıynsha jumyssyzdar sany 477,7 myń adamdy, jumyssyzdyq deńgeıi 5,5 paıyzdy qurady. QR Eńbek jáne halyqty áleýmettik qorǵaý mınıstrliginiń jumyspen qamtý organdarynda 2010 jylǵy jeltoqsan aıynyń sońyna 35,4 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,4 paıyzyn quraıdy», - delingen baspasóz habarlamasynda.
Sonymen qatar agenttik aqparaty boıynsha jeltoqsanda aldyn ala baǵalaýǵa sáıkes jasyryn jumyssyzdyq deńgeıi ekonomıkalyq turǵydan belsendi halyqtyń 0,5 paıyzyna teń.
