Ótken jyldyń jeltoqsanynda 46 myń adam jumysqa qabyldanyp, túrli sebeptermen - 64 myń adam bosady - Statıstıka

ASTANA. 13 qańtar. QazAqparat - Ótken jyldyń jeltoqsanynda 46 myń adam jumysqa qabyldanyp, túrli sebeptermen - 64 myń adam bosady. Bul aqparatty QR Statıstıka agenttiginiń baspasóz qyzmeti taratyp otyr.

«Jedel derekterge sáıkes, iri jáne orta kásiporyndarǵa jáne uıymdarǵa 2010 jylǵy jeltoqsanda 46 myń adam qabyldanyp, túrli sebeptermen - 64 myń adam jumystan shyqty. Olardyń arasynda óz erki boıynsha jumystan bosatylǵandar 78,1, qyzmetkerler sanynyń qysqarýyna baılanysty shyǵyp qalǵandar - 5,2, al basqa da sebeptermen ketkender 16,7 paıyzdy quraıdy», - delingen vedomstvo aqparatynda.

Sondaı-aq 2010 jylǵy jeltoqsanda qabyldaý boıynsha aınalym koeffıtsıenti 1,5, jumystan bosatý boıynsha aınalym koeffıtsıenti- 2,1, kadr turaqsyzdyǵy - 1,7 paıyzdy quraǵan. Osy aıda jumystan bosatylǵan qyzmetkerler sanynyń 71,9 paıyzy qaıta qabyldanǵan kadrlarmen tolyqtyryldy.