Ótken jyldyń jeltoqsan aıyndaǵy kúnkóristiń eń tómengi deńgeıi 15 619 teńgeni qurady

Bul týraly QR Statıstıka agenttiginen habarlandy.

 Agenttik málimetterine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2011 jylǵy jeltoqsanda ótken aımen salystyrǵanda 1 paıyzǵa, 2010 jylǵy jeltoqsanmen  13,8 paıyzǵa ósti.

Onyń qurylymynda et pen balyqty satyp alýǵa jumsalǵan shyǵystardyń úlesi 23,2 paıyz, sút, maı jáne toń maı ónimderi men jumyrtqa - 16,7 paıyz, jemister men kókónister - 9,6 paıyzdy quraǵan. Al nan jáne jarma ónimderi - 8,2 paıyz, qant, shaı jáne dámdeýishter - 2,3 paıyzdy qurady.