Ótken jyldyń jeltoqsan aıynda kúnkóristiń eń tómengi deńgeıi 16 myń 690 teńgeni qurady - Á. Smaıylov
ASTANA. 28 qańtar. QazAqparat - Ótken jyldyń jeltoqsan aıynda elimizdegi kúnkóristiń eń tómengi deńgeıiniń shamasy 16 myń 690 teńgeni qurady. Búgin Parlament Májilisinde ótken Úkimet saǵatynda Statıstıka agenttiginiń tóraǵasy Álıhan Smaıylov osylaı málim etti.
«Bir jyldyń ishinde bul kórsetkish 4,6 paıyzǵa joǵarylady. Bul tolyǵymen azyq-túlik taýarlaryna baǵanyń ósý serpinine sáıkes bolyp tabylady. Jalpy esepteýler qoldanystaǵy zańnamaǵa sáıkes júzege asyrylady», - deıdi agenttik tóraǵasy. Onyń aıtýynsha, halyqaralyq tájirıbege sáıkes, ár bes-alty jyl saıyn kún kóris deńgeıiniń shamasyn esepteý ádistemeleri halyqtyń ál aýqatyna qaraı ózgerip turýy tıis.
«Qazaqstanda kún kóris deńgeıin esepteý ádistemesine qatysty sońǵy ózgeris 2006 jyly bolǵan edi. Sondyqtan da, kún kóris deńgeıin esepteýdiń ádistemesin jańartýdyń ýaqyty keldi. Osyǵan oraı, Eńbek jáne halyqty áleýmettik qorǵaý mınıstrligi halyqaralyq eńbek uıymymen birlese otyryp, tıisti jobany júzege asyratyn bolady», - dedi Á. Smaıylov.
