Ótken jyldyń qarashasynda syrtqy saýdada ónimderge baǵanyń joǵarylaýy baıqaldy - Statıstıka
ASTANA. 13 qańtar. QazAqparat - Ótken jyldyń qarashasynda syrtqy saýdada ónimderge baǵanyń joǵarylaýy baıqaldy, dep habarlady QR Statıstıka agenttiginiń baspasóz qyzmetinen.
Vedomstvonyń aqparatyna qaraǵanda, 2010 jylǵy qarashada qazan aıymen salystyrǵanda baǵa eksporttalatyn taýarlarǵa 2,4, ımporttalatyn taýarlarǵa 2,1 paıyzǵa joǵarylaǵan.
Eksporttyq jetkizilimderge bir aıdaǵy baǵa joǵarylaýy alıýmınııge - 9, kómirge - 8,4, myryshqa - 6,3, mysqa - 5,8%, qorǵasynǵa - 4,9, munaıǵa 2,8 paıyz kólemde tirkelse, qara metaldan jasalǵan buıymdarǵa 16,1 paıyzǵa arzandaǵan. Sondaı-aq maqta - 15, bıdaı - 12,5, temeki 6,8 paıyzǵa qymbattaı túsken.
Al ımporttyq túsimderden kúrish - 14,6, ósimdik maıy - 14,5, qus eti - 12,7, shaı - 5,4, qant - 5, kofe 4,6 paıyzǵa qymbattap, balyq - 15,1, margarın 1,5 paıyzǵa arzandaǵan.
