Ótken jyldyń qańtar-jeltoqsanynda qysqa merzimdi ekonomıkalyq ındıkator 7,1 paıyzǵa ósti - Statıstıka
ASTANA. 13 qańtar. QazAqparat /Marlan Jıembaı/ - Ótken jyldyń qańtar-jeltoqsanynda qysqa merzimdi ekonomıkalyq ındıkator aldyńǵy jylmen salystyrǵanda 7,1 paıyzǵa ósti.
Bul týraly búgin elordada ótken baspasóz máslıhatynda QR Statıstıka agenttiginiń tóraǵasy Álıhan Smaıylov málim etti.
Qysqa merzimdi ındıkator JІÓ-niń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys salalary negizinde eseptelinetin eske salǵan ol: «ónerkásip óndirisiniń kólemi qoldanystaǵy baǵalarda 11 trln. 756 mlrd teńgeni qurap, 2009 jylmen salystyrǵanda 10 paıyzǵa kóbeıdi. Sonyń ishinde ken óndirý ónerkásibinde - 5,3, óńdeý ónerkásibinde - 18,4, elektrmen jabdyqtaý, bý berý jáne aýa baptaýda - 4,1, sýmen jabdyqtaýda 4,8 paıyz ósim baıqaldy», - dedi.
Sondaı-aq agenttik basshysynyń atap ótýinshe, ótken jyldyń 12 aıynda aýyl sharýashylyǵyndaǵy jalpy ónim kólemi 1 trln. 441 mlrd. teńgeni quraǵan. Bul 2009 jyldyń sáıkes kezeńimen salystyrǵanda 11,7 paıyzǵa kem.
