Ótken jyldyń 11 aıynda syrtqy saýda aınalymy 122 mlrd dollarǵa jetti

ASTANA. QazAqparat – 2022 jyldyń 11 aıynda elimizdiń taýar eksporty 77 mlrd dollardan asty. Bul týraly búgin Úkimet otyrysynda Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«2022 jylǵy qańtar-qarashada syrtqy saýda taýar aınalymy 33,4 paıyzǵa ósip, 122,2 mlrd dollardy qurady. Onyń ishinde eksport boıynsha kórsetkish 42,4 paıyzǵa artyp, 77,6 mlrd dollarǵa deıin jetti. Bul rette óńdelgen taýarlar eksporty 33,8 paıyzǵa ulǵaıyp, 24,1 mlrd dollardy qurady», - dedi mınıstr.

Onyńk dereginshe, taýarlar ımporty 44,6 mlrd dollar boldy.

«Jalpy, oń saýda balansy 33,1 mlrd dollardy qurady. Óńdeý ónerkásibinde oń ósý saqtalyp otyr. Óndiris kólemi 3,4 paıyzǵa ósti. Kórsetkish ósýi 18 óńirde tirkeldi. Sonyń ishinde Almaty qalasy, Aqmola, Jambyl, Soltústik Qazaqstan oblystary eń joǵarǵy ósýdi kórsetti», - dedi Álibek Qýantyrov.