Ótken jyl nesimen erekshe este qaldy - Qaraǵandy oblysy

Qańtar aıynyń sońynda Qaraǵandy oblysy «jasyl» tehnologııalarǵa kóshý boıynsha aýqymdy jumystaryn bastady. Saran qalasynda Ortalyq Azııadaǵy eń iri kún elektr stantsııasy iske qosyldy.

164 gektar aýmaqta 307 myń volttyq panelder ornalastyrylǵan. Olar kún energııasyn elektr qýatyna túrlendiredi

Sáýir aıynda taǵy bir qaıǵyly oqıǵa qaraǵandylyqtardyń kóńilin túsirdi. 2018 jylǵy 21 sáýirde Buqar Jyraý aýdany Úshtóbe aýylynan 4 shaqyrym jerde «Avıatsııalyq oqý-jattyǵý ortalyǵy» JShS «Balapan» qoný alańynda jeńil motorly FK-14 V2 «Polaris» ushaǵy apatqa ushyrady.

Ushaq apatqa ushyraǵan kezde bortta 2 adam bolǵan, olar oqıǵa ornynda qaza tapty, atap aıtqanda ushqysh-nusqaýshy - ıÝrıı Artemov jáne ushqysh Mereke Áýkeshev.

Oqý jyly aıaqtalǵan kúni Qaraǵandyda Ortalyq mádenıet jáne demalys saıabaǵynyń aýmaǵynda qatty jel saldarynan úrlemeli batýt aýdarylyp qaldy . Saldarynan 2007 jyly týǵan bir bala qaıtys boldy, 2004 jáne 2012 jyly týǵan eki bala túrli jaraqatpen aýrýhanaǵa jatqyzyldy. Taǵy bir bala sol qoldyń saýsaǵyn julyp alǵan - ol jaraqat pýnktine jetkizildi.

9 maýsymda qazaqstandyqtar QR Prezıdentiniń saılaýynda daýys berdi. Qasym-Jomart Toqaev Memleket basshysy bolyp saılandy.

Osy kúni qaraǵandylyqtar ǵana emes, búkil dúnıe júzi ataqty boksshy Gennadıı Golovkınniń jekpe-jegin baqylady. Qazaqstandyq boksshy (38-1-1, 34 KO) kanadalyq Stıv Rollsty (19-0, 10 KO) nokaýtqa jiberdi. Nıý-Iorkte (AQSh) Madison Square Garden arenasynda ótken kezdesý tórtinshi raýndta aıaqtaldy. Bizdiń otandasymyz qarsylasyn nokaýtqa jiberdi. Jarys aralyq salmaqta (74,4 kg deıin) ótip, boks keshiniń basty oqıǵasy boldy.

Qaraǵandylyq boksshy men kanadalyq Stıv Rollstyń jekpe-jegi kenshiler shaharyndaǵy saılaý ýchaskelerinde kórsetildi. Bylǵary qolǵap sheberleri kezdesýiniń kórsetilimi birneshe mektepte uıymdastyryldy.

Jazdyń aptap ystyq kúnderi Qarqaraly tabıǵı parkindegi iri orman órti qaraǵandylyqtardyń esinde qalyp qoıdy. Baqtydaǵy tabıǵı órtti sóndirý jumysy tórt kúnge sozyldy. Jumys táýlik boıy júrgizildi. Tótenshe jaǵdaıdy joıý aımaǵynda jedel shtab jumysy uıymdastyrylǵan. Órt sóndirý jumysyna basshylyqty Qaraǵandy oblysy TJD bastyǵy Ibragım Kúlshimbaevtyń ózi qolǵa aldy. Jalpy, tótenshe jaǵdaıdy retke keltirý jumysyna 370 adam men 60 arnaıy tehnıka jumyldyrylǵan. Sý shashatyn úsh tikushaq tilsiz jaýdy aýyzdyqtaýdy áýede jalǵastyrdy. Qarqaraly memlekettik ulttyq tabıǵı parkiniń naqtylaǵan málimeti boıynsha, órttiń jalpy aýmaǵy 3700 ga aýmaqty qurady. Onyń ishinde orman aýmaǵy – 1900 ga.

Qyrkúıek aıynda Qaraǵandy oblysynyń ákimi aýysty. Úkimet basshysy Asqar Mamın Qaraǵandy oblysy máslıhatynyń kezekten tys sessııasyna qatysty. Memleket basshysynyń Jarlyǵymen Erlan Qoshanov Qazaqstan Respýblıkasy Prezıdenti Ákimshiliginiń basshysy bolyp taǵaıyndaldy.

Sondaı-aq qaraǵandylyqtar aıryqsha rekordpen erekshelendi. Qaraǵandy oblysynyń Jańaarqa aýdanynda álemdik rekord ornatyldy. Bir mezgilde turǵyndar 10 000 lıtr qymyz pisti. Bul jetistikti halyqaralyq sarapshylar tirkegen. Qaraǵandy oblysynyń turǵyndary Jańaarqa aýdanynyń 90 jyldyǵyn jáne Sáken Seıfýllınniń 125 jyldyǵyn atap ótti. «Rýhanı jańǵyrý» baǵdarlamasy aıasynda qazaqtyń uly aqyny men jazýshysynyń mereıtoıy úlken aýqymda toılandy. Jergilikti fermerler týǵan ólkesin álemge pash etý jóninde sheshim qabyldady. Jetistikti halyqaralyq sarapshylar tirkedi. Erekshe aktsııaǵa aýdannyń 12 aýyly men 2 kentinen jınalǵan 1000 adam qatysty. Olar bir ýaqytta arnaıy kúbide 10 000 lıtr qymyz pisti.

1 qyrkúıekte Qaraǵandy oblysynda MÁMS pılottyq jobasy usynyldy. Qaraǵandyda medıtsınalyq mekeme jumysynyń mysalynda MÁMS boıynsha joba qalaı júzege asyrylatynyn kórsetti. Qaraǵandy oblysyn mindetti áleýmettik medıtsınalyq saqtandyrýdy engizýdiń pılottyq jobasyn iske asyrýǵa daıyndaý sheńberinde úlken jumys atqaryldy. Birinshiden, densaýlyq saqtaý basshylyǵy tsıfrlandyrýǵa úlken kóńil bóldi. Oblysta keshendi medıtsınalyq aqparattyq júıe (QAJK) jumys isteıdi. Menshik nysanyna qaramastan barlyq medıtsınalyq uıymdar Biryńǵaı tsıfrlyq keńistikke biriktirilgen jáne respýblıkalyq aqparattyq júıelermen ıntegratsııalanǵan. Emhanalarǵa tirkelgen árbir turǵynǵa elektrondyq densaýlyq pasporty engizildi. Oblystyń 400 myńnan astam turǵyny «DamýMed»mobıldi qosymshasynyń paıdalanýshylary bolyp tabylady. Aýyldyq densaýlyq saqtaýdyń shalǵaıdaǵy obektilerin ınternetpen tolyqqandy qamtý máselesi MJÁ tetigin paıdalana otyryp sheshiledi.

Búgingi kúni qorda aıtarlyqtaı qarajat qory jınaqtalǵan, olar 2020 jyldan bastap TMKKK jáne MÁMS-ke medıtsınalyq qyzmetterdi tóleýge baǵyttalatyn bolady. 2019 jylǵy 31 qazandaǵy jaǵdaı boıynsha túsimderdiń jalpy somasy shamamen 224 mlrd teńgeni qurady. Onyń ishinde 215 mlrd teńge (96% – ǵa jýyǵy) jumys berýshilerdiń aýdarymdaryna jáne 8,8 mlrd teńge (4%-ǵa jýyǵy) - azamattyq-quqyqtyq sıpattaǵy sharttar boıynsha jumys isteıtin jeke kásipkerler men tulǵalardyń salymdaryna tıesili. Óńirler bólinisinde eń kóp soma burynǵysynsha Almaty jáne Nur-Sultan qalalarynan, sondaı-aq Qaraǵandy oblysynan túsedi.