Ótken jyl Іshki áskerler úshin jaýyngerlik qýattylyǵyn synaqtan ótkizgen jyl boldy
ASTANA. 10 qańtar. QazAqparat /Janna Qorqytova/ - Búgin Qazaqstan Respýblıkasy ІІM Іshki áskerleriniń qurylǵanyna 19 jyl tolyp otyr. Ótken jyl Іshki áskerler úshin jaýyngerlik qýattylyǵyn synaqtan ótkizgen jyl boldy, dep habarlaıdy QR ІІM baspasóz qyzmeti.
Ótken jyl Іshki áskerler úshin jaýyngerlik qýattylyǵyn synaqtan ótkizgen jyl boldy. Shuǵyl jáne tıimdi qımyldaýdyń nátıjeliligin áskerimiz Almaty oblysyndaǵy Qyzylaǵash aýylynda bolǵan sý tasqynynyń zardaptaryn joıýǵa qatysý, Aqtaý qalasyndaǵy túzeý mekemesinen qashqan sottalǵandardy quryqtaý jáne Aqmola oblysyndaǵy túzeý mekemesindegi sottalǵandar arasynda oryn alǵan jappaı tártipsizdikti tyıý kezinde kásibı sheberlikpen jáne qaısarlyqpen kórsete bildi.
Joǵaryda atalǵan mysaldar bizdiń ishki áskerimizdiń elimizdiń konstıtýtsııalyq qurylymy men azamattardyń quqyǵyn qorǵaýdaǵy óz mindetterine adaldyǵynyń dáleli.
2010 jyly Іshki áskerleri ózine júktelgen mindetter men tapsyrmalardy tolyǵymen oryndady.
«Ótken jyly ishki áskerdiń mańyzdy memlekettik nysandardy kúzetetin áskerı bólimderi elimizdiń on tórt nysanyn senimdi kúzetýdi qamtamasyz etti. Olardy kúzetý boıynsha 5360 jaýyngerlik qyzmet mindeti, sondaı-aq arnaıy júkterdi alyp júrýdiń 24 tapsyrmasy oryndaldy. Qaraýyldar ótkizý rejımin buzǵan 614 faktini tirkese, kúzetilgen nysandardan jalpy somasy 4 mln. teńge turatyn materıaldyq qundylyqtardyń urlanýyna jol bermedi», - dep habar taratypty baspasóz qyzmeti.
Іshki áskerdiń basty mindetteriniń biri - ishki ister organdarymen birge elimizdiń qalalary men eldi mekenderindegi qoǵamdyq qaýipsizdikti kúzetý.
«Qazirgi ýaqytta jedel maqsattaǵy áskerı bólimder polıtsııa qyzmetkerlerimen birlesip elimizdiń 18 qalasyndaǵy qoǵamdyq qaýipsizdikti qamtamasyz etedi. Tek ótken jyldyń ishinde ǵana 4503 patrýldik qyzmet mindeti oryndalyp, áskerı jasaq 110 myńnan astam quqyq buzýshyny ustap ishki ister organdaryna jetkizdi. Onyń ishinde qylmysqa qatysty kúdikpen ustalǵandardyń sany - 3495. Sondaı-aq 163 sýyq jáne 58 atý qarýy tárkilenip, jalpy salmaǵy 2,7 keli bolatyn 255 ártúrli esirtkilik zatpen júrgender ustalǵan», - dep habarlaıdy ІÁ baspasóz qyzmeti.
Іshki áskerlerimiz Qazaqstan Respýblıkasy azamattarynyń konstıtýtsııalyq quqyqtary men bostandyqtaryn qorǵaý jónindegi ózderine júktelgen mindetterdi oryndaýǵa árqashan da ázir.
