Ótken jyl Almaty úshin ónimdi jáne serpindi boldy - qala ákimi
ALMATY. 31 jeltoqsan. QazAqparat - Ótken jyl Almaty úshin ónimdi jáne serpindi boldy. Bul týraly qala ákimi Ahmetjan Esimov óziniń almatylyqtarǵa jáne ońtústik astana qonaqtaryna quttyqtaýynda málimdedi.
«Jańa jyl kúnderi - týystar men dostardyń qýanyshty kezdesýleri ótetin, otbasy oshaǵynyń jylýy birikiretin kez. Olardyń bári ortaq úmittermen, ortaq sezimdermen bas qosady. Bul kúnderi keıingi ótken jolymyzǵa kóz jiberip, ótken jyldaǵy ıgi isterimizdi eske alý oryndy bolmaq», - dedi qala ákimi.
Aıtalyq, 2012 jyly Almatyda jol-kólik ınfraqurylymy belsendi damydy, mańyzdy jobalar iske qosyldy. Medıtsına mekemeleri men oqý oryndaryn jańartýǵa, áleýmettik salany qoldaýǵa úlken kóńil bólindi.
«Qalanyń aldaǵy jylǵa josparlarynda da eleýli mindetter alda tur. Biz birlese otyryp, oıǵa alǵandardyń bárin de sátimen júzege asyratynymyzǵa senimdimin», dep atap ótti ákim. Ol barshaǵa jańa tabystarǵa jáne jetistikterge jetýlerine tilek bildirdi.
