Ótken júz jyl atom ǵasyry bolǵandyqtan atymdy osylaı qoıǵan - Atomvek Jaıyquly

ASTANA. KAZINFORM - Batys Qazaqstan oblysy Shyńǵyrlaý aýdanynda Atomvek Jaıyquly atty turǵyn bar. Esimi erekshe keıipker óz atynyń syryn aıtyp berdi. 

"Meniń esimim Nurǵalıev Atomvek Jaıyquly. Batys Qazaqstan oblysy Shyńǵyrlaý aýdany Aqshyt aýylynyń týmasy bolamyn. 1962 jyly 9 shildede dúnıege kelgenmin. "Atomvek" dep esimimdi áke-sheshem ótken ǵasyrdyń "atom ǵasyry" bolýyna baılanysty qoıǵan. Búgin referendým boldy. "Elimizde AES salamyz ba, salmaımyz ba?!" dep halyq pikirin anyqtap jatqan jaıymyz bar. Men óz basym baryp daýys berdim. Meniń esimimniń tarıhy osyndaı", - dedi keıipker. 

Aıta keteıik, AES boıynsha respýblıkalyq referendýmda 7,8 mln adam óz tańdaýyn jasady. Bul jalpy saılaýshylardyń 63,87 paıyzyn quraıdy.

Sondaı-aq, QR Bas prokýratýrasy men QR ІІM referendým ótkizý barysynda zańdylyq pen quqyqtyq tártipti qamtamasyz etý sharalaryn qorytyndylady. QR ІІM resmı ókili Shyńǵys Álekeshev óz esebinde referendýmnyń 10 myń ýchaskesiniń eshqaısysynda qoǵamdyq tártip  buzylmaǵanyn atap ótti.