Ótken jyly izdeýde júrgen 1600-ge jýyq qylmysker ustaldy
ASTANA.KAZINFORM — 2025 jyly halyqaralyq yntymaqtastyq belsendi túrde damydy. Qazaqstan aýmaǵynan tys jerde sottan boı tasalap júrgen 156 qylmysker ustaldy.
Sonymen qatar el aýmaǵynda TMD elderi men alys shet memleketterdiń suraýy boıynsha izdeýde bolǵan 639 adam qolǵa tústi. Bul memleketaralyq ózara is-qımyl men jedel aqparat almasýdyń tıimdiligin aıqyn kórsetedi.
Іshki ister mınıstrligi zań men tártipti qamtamasyz etý baǵytyndaǵy júıeli jumysty jalǵastyryp jatyr. Qylmyskerlerdi izdestirý jáne ustaý — vedomstvo qyzmetiniń negizgi basymdyqtarynyń biri. 2025 jyly túrli qylmys jasaǵany úshin izdeýde júrgen 1 600-den astam adam ustaldy.
Sondaı-aq habar-osharsyz ketken adamdardy izdestirý salasynda da eleýli nátıjelerge qol jetkizildi. 2025 jyly joǵalǵan dep eseptelgen 20 myńnan astam adamnyń júrgen jeri anyqtaldy, olardyń 6 myńnan astamy — balalar.
Aıta ketelik UQK Shekara qyzmeti byltyr 75 mlrd teńgeden astam zalaldyń aldyn alǵan edi.