Ótken jyly Ulttyq qor rekordtyq ınvestıtsııalyq kiris aldy
ASTANA. KAZINFORM — 2025 jyly elimizdiń altyn-valıýta rezervteri 42,8 paıyzǵa ósti. Bul týraly Senattyń jalpy otyrysynda Ulttyq bank tóraǵasy Tımýr Súleımenov aıtty.
— Ótken jylǵy turaqsyzdyqqa qarmastan makroekonomıkalyq turaqtylyqty saqtap qaldyq. Ekonomıkalyq ósim 6,5 paıyzdy qurady. Investıtsııalyq kiris jáne altyn-valıýtalyq operatsııalar esebinen eldiń altyn-valıýta rezervteri 65,4 mlrd dollarǵa deıin nemese 42,8 paıyzǵa ósti. Ulttyq qordyń aktıvteri 63,9 mlrd dollarǵa deıin nemese 5,1 mlrd dollarǵa ulǵaıdy, 8,7 mlrd nemese 15,1 paıyz rekordtyq ınvestıtsııalyq kiris tirkeldi. BJZQ aktıvteri 12 paıyzǵa ulǵaıyp, 25,1 trln teńgege jetti. Ulttyq qarjy júıesine degen senim artyp keledi, — dedi Tımýr Súleımenov Úkimettiń ótken jylǵy respýblıkalyq bıýdjettik atqarylýy týraly esebin talqylaý barysynda.
Onyń dereginshe, dollarlaný deńgeıi eń tómengi kórsetkishke jaqyn. Ol 21 paıyzǵa tómendedi. Teńge baǵamy 3,7 paıyzǵa nyǵaıdy. Bank sektorynyń aktıvter 70,8 trln teńgege deıin nemese 15 paıyzǵa artty. Bankterdiń menshikti kapıtaly 10,6 trln teńgege deıin, ıaǵnı 19,2 paıyzǵa ósti.
— Bankterdiń kredıt portfeliniń sapasy joǵary. Qabyldanǵan prýdentsııalyq sharalardyń nátıjesinde tutynýshylyq kredıtter portfeliniń ósimi 2024 jylǵy 33,5 paıyzdan ótken jyly 21 paıyzǵa deıin baıaýlady. Bızneske kredıtter portfeli 18 paıyzǵa ulǵaıdy, — dedi UB tóraǵasy.
Buǵan deıin Ulttyq bank tóraǵasy teńge baǵamyna qatysty túsinik berdi.
