Ótken jyly ekstremıstik árekettermen baılanysty 85 qylmys anyqtaldy - polıtsııa
ASTANA. KAZINFORM - 2024 jyly ІІM ekstremızmge qarsy is-qımyl bólinisteri dinı jáne ulttyq alaýyzdyqty qozdyrý, terrorızmdi nasıhattaý jáne ekstremıstik uıymdarǵa qatysý sııaqty 85 qylmysty anyqtady, – dep habarlaıdy Polisia.kz.
Tergeý nátıjesinde jyl qorytyndysy boıynsha 44 adam qylmystyq jaýapkershilikke tartyldy. Sonymen qatar urlyq, bopsalaý, tonaý jáne basqa da jalpy qylmystyq quqyq buzýshylyqtar úshin 131 dinı radıkal sottaldy. 18 qylmystyq toptyń áreketi toqtatylyp, olardan 50 qarý jáne 10 keliden astam esirtki tárkilendi.
Dinı qatynastar salasyndaǵy jáne tyıym salynǵan materıaldardy taratýǵa baılanysty quqyq buzýshylyqtar úshin 390 adam ákimshilik jaýapkershilikke tartyldy.
Terrorıstik turǵydan osal obektilerdi qorǵaýǵa erekshe nazar aýdaryldy. Jyl boıy 9930 nysannyń qaýipsizdik sharalarynyń jaǵdaıy tekserilip, onyń nátıjesinde buzýshylyqty joıý týraly 3581 nusqama engizilip, 1244 ákimshilik hattama jasaldy.
Osyǵan deıin esirtki zerthanalaryn prekýrsorlarmen qamtamasyz etetin iri qylmystyq jeli joıylǵanyn jazdyq.