Ótken jyly Tájikstanǵa 37 myńnan astam qazaqstandyq týrıst barǵan

ASTANA. KAZINFORM — 2025 jyly Tájikstanǵa 1,7 mıllıonnan astam týrıst kelgen. Bul kórsetkish ótken jylmen salystyrǵanda shamamen 25 paıyzǵa joǵary, dep habarlaıdy Kazinform agenttiginiń menshikti tilshisi.

Eseptik baspasóz máslıhatynda Tájikstan Úkimeti janyndaǵy Týrızmdi damytý komıtetiniń tóraǵasy Djamshed Djýmahonzoda ótken jyly elge barlyǵy 1 mln 784 myń 454 týrıst kelgenin aıtty.

Bul 2024 jylmen salystyrǵanda 384 myń adamǵa nemese 27,5%-ǵa kóp.

— 2025 jyly týrısterdiń eń kóbi Ózbekstannan keldi — 1 046 672 adam. Reseı Federatsııasynan 396 475 týrıst, Qyrǵyz Respýblıkasynan 137 530 adam, Qazaqstan Respýblıkasynan 37 288 týrıst, Qytaı Halyq Respýblıkasynan 33 178 adam kelgen, — dedi ol.

Sondaı-aq onyń aıtýynsha, týrısterdiń jalpy sanynyń 1 mln 634,5 myńy TMD elderinen, al qalǵan 149,9 myńy alys shetelderden kelgen.

Budan buryn habarlanǵandaı, Tájikstanda Starlink spýtnıktik baılanys júıesi resmı túrde iske qosyldy.