Ótken jyly respýblıkalyq joldardan 700 myń tonna qoqys jınaldy
ASTANA. KAZINFORM - 2024 jyly respýblıkalyq mańyzy bar avtomobıl joldardyń jıeginen, jol boıyndaǵy beldeýlerden, demalys alańdary men avtopavılondardan qoqystardy tazalaýda jol qyzmeti aýqymdy jumys júrgizdi.
«QazAvtoJol» mekemesi baspasóz qyzmetiniń habarlaýynsha, osy jumystardyń nátıjesinde shamamen 700 myń tonna qoqys jınaldy. Bul táýligine shamamen 2 500 tonnany quraıdy. Tazartylǵan aýmaqtyń jalpy aýdany shamamen 400 mıllıon sharshy metrge jetti.
Bul aýqymdy sharalar jol qozǵalysy qaýipsizdigin, júrgizýshiler men jolaýshylardyń qolaıly qozǵalysyn qamtamasyz etýge, sondaı-aq óńirlerdegi ekologııalyq jaǵdaıdy jaqsartýǵa baǵyttalǵan. Ár avtokólikten tastalǵan nemese jol boıyna qaldyrylǵan zattar jol qyzmetine qosymsha júkteme túsirip, qorshaǵan ortaǵa zııan keltiretinin eskergen jón.
- Biz qorshaǵan ortaǵa uqypty qaraý arqyly joldardyń tazalyǵy men tártibin saqtaýǵa úles qosamyz. Qoqysty tastamaýǵa jáne tabıǵatty aıalaýǵa shaqyramyz, - delingen «QazAvtoJol» mekemesiniń baspasóz qyzmeti taratqan habarlamada.
Osyǵan deıin «QazAvtoJol» joldyń taıǵaqtyǵyna shaǵymdanǵan júrgizýshilerge jaýap berdi.
