Ótken jyly Qazaqstan Qytaıǵa qansha tonna et eksporttady

ASTANA. KAZINFORM – Elimiz ótken jyly Qytaıǵa 215 tonnadaı sıyr jáne taýyq etin eksporttaǵan. Bul týraly Kazinform agenttiginiń saýalyna QR Aýyl sharýashylyǵy mınıstrligi joldaǵan resmı jaýapta jazylǵan.

— 2024 jyly Qytaıǵa 60,8 tonna sıyr eti, 153,6 tonna taýyq eti eksporttaldy. Al 2025 jylǵy qańtar aıynda Almaty oblysynyń Qarasaı aýdanynda ornalasqan «Meat and Farm» JShS Qytaı eline 35,1 tonna sıyr etin jetkizdi. Bıyl jyl sońyna deıin et eksporty ótken jyldyń deńgeıinde josparlanyp otyr, - delingen habarlamada.

Ótken jyly Qazaqstannan Qytaıǵa sıyr, jylqy jáne taýyq etin jetkizý kelisimshartyna qol qoıylǵan bolatyn. Soǵan saı bıyldan bastap kórshi elge qazaq jylqysynyń da eti jetkizile bastaýy tıis.