Ótken jyly elimizde qos azamattyǵy bar 700-ge jýyq adam anyqtalǵan

ASTANA. Kazinform – Ótken jyly elimizde qos azamattyǵy bar 700-ge jýyq adam anyqtaldy. Bul týraly QR Іshki ister mınıstrligi Kazinform agenttiginiń resmı saýalyna joldaǵan jaýapta aıtylǵan.

— 2025 jyldyń qańtar aıynda Qazaqstan Respýblıkasy azamattyǵy týraly zańnamany buzǵany úshin ákimshilik jaýapkershilikke Qazaqstan Respýblıkasynyń burynǵy 66 azamaty tartyldy. Basym kópshiligi Reseı Federatsııasynyń (64) azamattyǵyn qabyldaǵandar. Sondaı-aq Germanııa (1) jáne Qyrǵyzstan (1) azamattyǵyn alǵan eki tulǵa bar. Onyń 35-i aıyppul tólese, 31 adam elden shyǵaryldy, - delingen habarlamada. 

Sondaı-aq vedomstvo ótken jyly qos azamattyǵy bar 700-ge jýyq adam anyqtalǵanyn málimdedi.

— 2024 jyly Qazaqstan Respýblıkasy azamattyǵy týraly zańnamany buzǵany úshin ákimshilik jaýapkershilikke Qazaqstan Respýblıkasynyń burynǵy 675 azamaty tartyldy. Basym kópshiligi Reseı Federatsııasynyń (565), Túrkııa (26), Germanııa (11) jáne AQSh (22) azamattyǵyn qabyldaǵandar. Onyń 526-sy aıyppul tólese, 149 adam elden tys shyǵaryldy, - delingen jaýapta.

Byltyr Qazaqstan azamattyǵyn alýshylar sany 25 paıyz azaıǵany belgili boldy.

Sondaı-aq ótken jyly qansha adam el azamattyǵynan bas tartqany jaıly jazǵan edik.