Ótken jyly elimiz kóleńkeli ekonomıkamen kúres baǵytynda qandaı jetistikterge jetti
QR Qarjylyq monıtorıng agenttigi elimizdiń 2023 jyly zańsyz kiristermen jáne kóleńkeli ekonomıkamen kúreste qandaı jetistikterge jetkenin málim etti, dep habarlaıdy Kazinform.
Agenttiktiń málimetterine qaraǵanda, ótken jyly Memleket basshysy TMD elderiniń qylmystyq kiristerdi jylystatýǵa qarsy is-qımyl salasyndaǵy táýekelderdi baǵalaýdyń Halyqaralyq ortalyǵyn qurý týraly kelisimge jáne «Zańsyz satyp alynǵan aktıvterdi memleketke qaıtarý týraly» Zańǵa qol qoıdy.
Qazaqstan FATF (Aqshany jylystatýǵa qarsy kúrestiń qarjylyq sharalaryn ázirleý toby) standarttaryna sáıkestigin ózara baǵalaý rásiminen sátti ótti.
Bazel basqarý ınstıtýtynyń jyl saıynǵy «Basel AML Index» reıtınginde (kiristerdi jylystatýǵa jáne terrorızmdi qarjylandyrýǵa qarsy is-qımyl salasyndaǵy eń bedeldi derekkóz) bizdiń elimiz 2012 jyldan bastap eń joǵarǵy kórsetkishke qol jetkize otyryp, óz pozıtsııasyn birden 27 pýnktke jaqsartty.
«Biz 41 elden (AQSh, Kanada, Avstralııa, Japonııa jáne t.b.) turatyn Azııa-Tynyq muhıty aqshany jylystatýǵa qarsy kúres tobynda (FATF tıpi boıynsha aımaqtyq top) baqylaýshy mártebesin aldyq. Kóleńkeli ekonomıka deńgeıin JІÓ-ge 18,78% - ǵa deıin (boljamdy máni 19,75% bolǵan kezde) tómendetý qamtamasyz etildi»,-delingen habarlamada.
Búgingi kúni qol jetkizgen jetistikter:
36 qarjy pıramıdasyn joıyldy, zardap shekkenderge 4,6 mlrd teńge qaıtaryldy, olardyń qyzmetin jarnamalaıtyn 7,7 myńnan astam saıttar men akkaýnttardy buǵattaldy;
esirtki satýshylardyń qarjylyq operatsııalaryn buǵattaý tájirıbesi jolǵa qoıylyp, esirtki tabystaryn jylystatý úshin paıdalanylǵan 924 banktik shot jabyldy;
EDB jáne qarjy retteýshilerimen birlesip 21 jasqa tolmaǵan adamdardyń býkmekerlik keńselerdiń atyna aqsha aýdarý jáne sol arqyly olardyń qumar oıyndarǵa qatysýyna tosqaýyl qoıý múmkindigi alynyp tastaldy;
4,2 myń onlaın-kazıno saıtyna kirý múmkindigi joıyldy;
jetkizý tizbeginen 38 ónimsiz deldaldy alyp tastaý jáne 14 oblysta áleýmettik sebetten 14 taýardyń baǵasyn tómendetýge múmkindik týdy;
77 mlrd teńgege kúdikti operatsııalardy tosqaýyl qoıyldy;
qylmystyq qolma-qol aqshamen aınalysatyn 27 kóleńkeli alańnyń qyzmetin toqtatylyp, 6 UQT joıyldy;
14,4 mlrd teńgege bıýdjet qarajatynyń negizsiz shyǵystarynyń aldy alyndy;
jábirlenýshilerge 85 mlrd teńgege zalal ótelip, memleketke 187 mlrd teńgege aktıvter qaıtaryldy, «Qazaqstannyń ınvestıtsııalyq qory» AQ men Rıdder JEO memleket menshigine qaıtaryldy.
«AML ACADEMY» Akademııasy quryldy, onyń qyzmeti qarjylyq monıtorıng boıynsha mamandardy oqytýǵa, zertteýge jáne sertıfıkattaýǵa baǵyttalǵan.
Áleýmettanýlyq saýalnamalarǵa sáıkes Agenttikke degen senim deńgeıi 20% - ǵa ósti.
«Qarjylyq monıtorıng agenttigi eldiń ekonomıkalyq qaýipsizdigin nyǵaıtý jáne qarjylyq qylmystardyń aldyn alýǵa baǵyttalǵan jumysyn jalǵastyratyn bolady»,-delingen habarlamada.
