Ótken jyly Almaty oblysynda tabıǵat qorǵaý tártibin buzýdyń 462 faktisi anyqtaldy

QONAEV. KAZINFORM – Bul týraly Almaty oblysynyń Óńirlik kommýnıkatsııalar qyzmetinde Balqash-Alakól oblysaralyq basseındik balyq sharýashylyǵy ınspektsııasy basshysynyń orynbasary Rınat Maratuly málim etti.

Onyń aıtýynsha, 2024 jyly Balqash-Alakól basseınderinde zańsyz aýlanǵan 8 tonnaǵa jýyq balyq, qoldanýǵa tyıym salynǵan 169 balyq aýlaý quraly jáne 22 qaıyq tárkilengen.

- Tabıǵat qorǵaý zańnamasyn buzýshylarǵa 10,9 mln teńge kóleminde aıyppul salynyp, 34,4 mln teńgege talap-aryz qoıyldy. Jalpy 438 jeke tulǵa ákimshilik jaýapkershilikke tartyldy. Inspektsııanyń materıaldary negizinde quqyq qorǵaý organdary 24 qylmystyq is qozǵap, búgingi tańda sot sheshimimen 15 jeke tulǵa qylmystyq jaýapkershilikke tartyldy, - dedi ol.

Eske salaıyq, buǵan deıin ań jáne balyq aýlaǵanda qandaı quraldardy paıdalanýǵa tyıym salynǵanyn jazǵanbyz.