Ótken jyly 8,2 mln kórermen otandyq fılmderdi tamashalaǵan

ASTANA. KAZINFORM – Ulttyq statıstıka bıýrosynyń habarlaýynsha, 2023 jyly Qazaqstanda 387 fılm túsirilgen. Bul aldyńǵy jylmen salystyrǵanda bul 56 birlikke artyq. Barlyq túsirilgen fılmniń tek 25% tolyqmetrajdy bolsa, qalǵan 75% – qysqametrajdy.  

Tolyq metrajdy fılmderden:

35 – oıyn 
50 – derekti
3 – anımatsııalyq
9 – hronıkalyq

Kıno túsrimen aınalysqan kınematografııa uıymdarynyń sany 98 bolsa, 2022 jyly olardyń sany 67 bolǵan.

2023 jyly barlyq kınoseansqa barýshylardyń 39% ulttyq kınony kórgen – bul bir jyldaǵy 20 mln kórermenniń 8,2 mln-y.

Jalpy elimizde 113 kınoteatr bar. Olardyń kópshiligi Respýblıkalyq mańyzy bar qalalarda – Almaty (21 birlik), Astana (10 birlik), Shymkent (10 birlik).

Ótken jyly barlyǵy 985 myń kınoseans ótkizilgen.