Ótken jyly 600 mlrd teńgeniń temir jol ónimderi shyǵaryldy

ASTANA. KAZINFORM — Ótken jyly 600 mlrd teńgeniń temir jol ónimderi shyǵaryldy. Bul týraly Úkimet otyrysynda Ónerkásip jáne qurylys mınıstri Ersaıyn Naǵaspaev aıtty. 

— Temir jol ónimderin shyǵarý mashına jasaý salasyndaǵy mańyzdy baǵyttardyń biri. Qazir bul baǵyt mashına jasaý jalpy kóleminiń 13 paıyzyn qurap otyr. Osy sala boıynsha 60-tan astam kásiporynda, 8 myńǵa jýyq adam jumys isteıdi. Ótken jyly temirjol ónimderin shyǵarý 25 paıyzǵa ósip, 600 mıllıard teńgege jetken. Bıylǵy 7 aıda júk vagondary bes ese, al, platformalar — 2,2 esege artqan, — dedi mınıstr.

Jalpy, onyń dereginshe, sońǵy 5 jylda ulttyq operatordyń vagon parkin jańartýy osy salada ınvestıtsııalyq belsendilikti arttyrdy.

— Nátıjesinde Wabtec, Alstom, Stadler sııaqty álemniń jetekshi brendteri otandyq naryqqa keldi. Qazaqstandyq taýar óndirýshilerdi qoldaý jáne temirjol salasynda ishki naryqty damytý aıasynda lokalızatsııa deńgeıi 40 paıyzǵa deıin qamtamasyz etildi. Otandyq óndirýshilerdiń qatysýymen lokalızatsııany arttyrý, dvıgatel óndirý, birlesken kásiporyndar ashý jumysy jalǵasatyn bolady, — dedi Ersaıyn Naǵaspaev.

Buǵan deıin Kólik mınıstri Nurlan Saýranbaev temirjol jelisiniń jalpy paıdalaný uzyndyǵy 16 myń shyqyrymdy quraıtynyn, tozý deńgeıi 57 paıyzǵa jetkenin aıtqan edi.