Ótken jyly 428,7 mlrd teńge mólsherinde urlanǵan aktıvter memleketke qaıtaryldy – Bas prokýratýra

ASTANA. KAZINFORM – Bul týraly búgin Bas prokýratýranyń keńeıtilgen alqa otyrysynda málim boldy, dep baspasóz qyzmeti.

Baspasóz qyzmetiniń málimetterine qaraǵanda, alqa otyrysnda Bas prokýratýranyń 2024 jyly atqarǵan jumystary qorytyndylandy.

Jıynda ótken jyly atqarylǵan jumystar týralıa baıandaǵan Bas prokýror Berik Asylovtyń aıtýynsha, ótken jyly aktıvterdi qaıtarý jónindegi quqyqtyq tetikterdi nyǵaıtý jumystary da jalǵastyryldy.

Ótken jyly 428,7 mlrd teńge mólsherinde urlanǵan aktıvter qaıtaryldy. Zań sýbektilerimen kelisimder boıynsha 48 mlrd teńgeden astam somaǵa 15 áleýmettik jáne ınvestıtsııalyq joba iske qosyldy.

Halyqaralyq tájirıbeni eskere otyryp, sot tártibimen túsiniksiz shyqqan aktıvterdi memleket kirisine aınaldyrý praktıkasy engizildi.

- Qazirgi tańda nátıje bar ekenin aıta ketý jón bolady (10 mıllıon dollarǵa talap qanaǵattandyryldy, soma óteldi). Sonymen qatar, múlikti erikti túrde keri qaıtarý bóliginde sýbektilermen jumys júrgizilýde. Eldegi krımınogendik jaǵdaı turaqty baqylaýda. Qylmystyq quqyq buzýshylyqtar sany azaıyp keledi (140-tan 132 myńǵa deıin; -5,3%) – dedi Bas prokýror.

Osyǵan deıin antıkor eki jylda 1,1 trln teńgeniń zańsyz aktıvteri qaıtarylǵany týraly habarlaǵan bolatyn.