Ótken jyly 40 sýdıa tártiptik jazaǵa tartyldy

ASTANA. KAZINFORM – Ótken jyldyń qorytyndysynda Sot jıýri 77 tártiptiń isti qarap, 40 sýdıa jaýapershilikke tartyldy. Bul týraly Ortalyq kommýnıkatsııalar qyzmetindegi brıfıngte Joǵary Sot keńesi janyndaǵy Sot jıýrıiniń tóraǵasy Nurjan Qaıypjan aıtty.

- Qazirgi ýaqytta oblystyq sottar men Joǵarǵy Sot janyndaǵy sýdıalar ádebi jónindegi komıssııaǵa sýdıalardyń ádep normalaryn buzǵany týraly dálelder keltirilgen shaǵymdar ǵana tekserýge jiberiledi. 2024 jylǵy jumys qorytyndysyna qatysty ótken jyly Sot jıýrıi 77 tártiptik is pen tártiptik jazany merziminen buryn alyp tastaý boıynsha bir materıaldy qaraǵanyn atap ótemiz, - dedi jıýrı tóraǵasy.

Nurjan Qaıypjannyń atap ótinshe, Sot jıýrıi 40 sýdıany tártiptik jazaǵa tartty. Onyń ishinde aýdandyq deńgeıdegi 31 sýdıa, aýdandyq jánen olarǵa teńestirilgen sottardyń 5 tóraǵasy, oblystyq jáne olarǵa teńestirilgen sottardyń 2 sýdıasy, oblystyq sot sot alqasynyń 1 jáne oblystyq sottyń 1 tóraǵasy bar.

- Barlyǵy 40 tártiptik jaza qoldanyldy. Onyń ishinde eskertý – 21, sógis – 13, sýdıa laýazymynan bosatý – 6. Sot tóreligin iske asyrý kezinde zańdylyqty óreskel buzý, sýdıalyq ádep kodeksiniń normalaryn buzý, sot tóraǵasynyń jáne sot alqasynyń laýazymdyq mindetterin tıisinshe oryndamaý sýdıalardyń tártiptik jaýapkershiliginiń negizi boldy. Sot jıýrıi 33 tártiptik isti nememe qaralǵan isterdiń jalpy sanynyń 45,2 paıyzyn toqtatty. Tártiptik isterdi toqtatýdyń sebepteri negizinen – sýdıanyń is-áreketterinde tártiptik teris qylyq quramynyń bolmaýy jáne tártiptik teris qylyq quramynyń mańyzdylyǵynyń tómendigi. Joǵarǵy sot keńesine Sot jıýrıiniń 12 sheshimine shaǵym jasaldy. Keńes olardy qaraý nátıjeleri boıynsha barlyq sheshim negizdi dep tanydy, - dedi Nurjan Qaıypjan.

Sýdıanyń kásibı qyzmetin baǵalaý ádistemesine túzetýler engizilgenin jazǵan bolatynbyz.