Ótken jyly 29 648 qyzylsha juqtyrý jaǵdaıy tirkeldi – Ajar Ǵınııat
2023 jyly elimizde 29 648 qyzylsha juqtyrý jaǵdaıy tirkeldi. Onyń 80%-y – balalar. Bul týraly QR Densaýlyq saqtaý mınıstri Ajar Ǵınııat málim etti, dep habarlaıdy Kazinform.
«2023 jyly elimizde 29 648 qyzylsha juqtyrý jaǵdaıy tirkeldi. Onyń 80%-y – 14 jasqa deıingi balalar. Bıyl 1 qańtardan beri 1674 qyzylshamen aýyrǵandar tirkeldi», - dedi Ajar Ǵınııat Úkimet otyrysynda jasaǵan baıandamasynda.
Sondaı-aq, mınıstr qyzylsha boıynsha turaqtandyrý úrdisi 6 óńirde – Aqtóbe, Qyzylorda, BQO, Qaraǵandy, Jetisý, Túrkistan oblystarynda tómendeý baıqalatynyn atap ótti.
«Tómendeý úrdisi 3 óńirde – Shymkent qalasynda, Jambyl jáne Ulytaý oblystarynda baıqaldy. Qyzylsha boıynsha jaǵdaıdy turaqtandyrý maqsatynda ótken jyly osy aýrýǵa qarsy josparly vaktsınatsııalaý júrgizildi. ıAǵnı bir jáne alty jastaǵy 700 myńǵa jýyq bala egildi», - deıdi ol.
