Ótken jeksenbi kúni jekemenshik úılerden shyqqan órt 4 adamnyń ómirin qıyp ketti - TJM
ASTANA. Jeltoqsannyń 14-i. QazAqparat - Keshe, jeltoqsannyń 13-i kúni elimizdiń ár aýmaǵyndaǵy jekemenshik turǵyn úı sektorlarynda bolǵan órt oqıǵalarynda 4 adam qaza tapty,
dep habarlaıdy QazAqparat.
QR TJM baspasóz qyzmetiniń málimdeýinshe, olardyń biri Almaty qalasy Solnechnyı kóshesinde ornalasqan turǵyn úıde boldy. 35 sharshy metr aýmaqqa jaıylǵan órtti aýyzdyqtaý barysynda 54 jastaǵy azamattyń denesi tabyldy.
Soltústik Qazaqstan oblysy, Sokolovka kentindegi Shýhova,28-shi úıden shyqqan tilsiz jaý 85 jastaǵy qarttyń ómirin qıyp ketti. 60 sharshy metr aýmaqqa jaıylǵan jalyn QR TJM SQO boıynsha TJD órtke qarsy qyzmetiniń kúshimen aýyzdyqtaldy: jeke quramda 10 adam, 2 tehnıka.
Sondaı-aq Petropavl qalasy Teatralnaıa, 15 meken-jaıynda saǵat 17.00-de shyqqan órtti sóndirý barysynda 77 jáne 44 jastaǵy azamattardyń deneleri tabyldy. Jalyn QR TJM SQO boıynsha TJD órtke qarsy qyzmetiniń kúshimen 19 saǵat 11 mınýtta sóndirildi.
