Ótken túni turǵyn úılerde bolǵan órt saldarynan 2 adam qaza tapty - QR TJM
ASTANA. Qyrkúıektiń 6-sy. QazAqparat - Ótken túni turǵyn úılerde eki órt oqıǵasy oryn aldy, qaza tapqandar bar, dep habarlaıdy QR Tótenshe jaǵdaılar mınıstrliginiń baspasóz qyzmeti.
Qyrkúıektiń 6-sy kúni, tańǵy saǵat 4-te Aqmola oblysy Bulandy aýdanynyń 2 qabatty turǵyn úıiniń páterinde órt bolyp, onyń aýmaǵy 3 sharshy metrdi qurady. Qutqarý jumystarynyń barysynda 53 jastaǵy er adamnyń denesi tabyldy. Órt QR TJM Aqmola oblysy tótenshe jaǵdaılar departamentiniń jeke quramyndaǵy 5 adamy men 2 dana tehnıkasynyń arqasynda sóndirildi.
Sondaı-aq búgin túnde Qaraǵandy oblysynyń Aǵadyr kentinde bir qabatty turǵyn úı páterinde órt oqıǵasy oryn aldy. Jalynnyń aýmaǵy 14 sharshy metrdi qurady. «Órt sóndirý barysynda 1933 jyly dúnıege kelgen áıel adamnyń denesi tabyldy», - delingen taratylǵan aqparatta.
Jalyn QR TJM Qaraǵandy oblysynyń tótenshe jaǵdaılar departamentiniń jeke quramyndaǵy 4 qyzmetkeri men 2 dana tehnıkasynyń kúshimen aýyzdyqtaldy.
