Ótken túnde Almatyda eki avtokólik urlaýshy ustaldy
ALMATY. 3 tamyz. QazAqparat /Ádilet Musahaev/ - Ótken túnde Almatyda eki avtokólik urlaýshy ustaldy. Birinshi kólik Almaty qalasy Jetisý aýdany aýmaǵyndaǵy bir fırmanyń aýlasynan urlanǵan,
dep habarlaıdy qalalyq ІІD baspasóz qyzmeti.
«MAZ» markili avtokólikke qaskóı jasyrynyp kelip, qosý júıesinde umyt qaldyrylǵan kiltti paıdalanyp aıdap ketken.
«Kólik urlaýshy mas bolǵan, sondyqtan ol óz is-áreketine esep bere almaǵan. Aýyr júk kóligin júrgizýde tájirıbesi de bolmaǵan. Turǵyn jaılardy aralap shyqqan ol úlken jolǵa shyǵysymen gazdy qattyraq basqan. Kólik urlyǵy jaıly aqparat alǵan «Boran» sholǵynshy toby qylmyskerdiń jolyn tosyp toqtatyp aldy. Esh qarsylyqsyz berilgen kólik urlaýshy Almaty oblysy Kerbulaq aýdanynyń týmasy bolyp shyqty. Buryn urlyǵy úshin onyń birneshe márte sottalǵany málim boldy»,-dep habarlady Almaty qalasy ІІD Jedel basqarý ortalyǵynyń bastyǵy polıtsııa polkovnıgi Andreı Kvashının.
Ekinshi ury TJO-dan «Honda» kóligin qoldy etken. Onyń sanasyn jaýlaǵan kólikke degen jelik tas jol ústinde bir júıtkitýge degen qumarlyǵyna qozǵaý salǵan. 32 jastaǵy Zákir klıentiniń keletinin esten shyǵaryp, avtokólikpen túngi qalany tamashalaýǵa kóshken tárizdi.
Atalǵan TJO-na kelgen kólik ıesi óz tulparynyń ornynda joq bolǵanynan sekem alyp, dereý polıtsııaǵa shaǵym túsirgen. Qala aýmaǵynda «Tutqyndaý» sharasy engizilip, kóp uzamaı atalmysh kólikpen kele jatqan qaskóıdi krımınaldy polıtsııa qyzmetkerleri toqtatty. Ol alkagoldi ishimdik ishpegen. Biraq júrgizýshi kýáligi bolmaǵan. Qazir ol qamaýǵa alynyp tergeý amaldary jalǵasýda.
