Ótken tórt aıda ónerkásip óndirisi 11,8 paıyzǵa artty

dep habarlaıdy QazAqparat.

Statıstıka agenttiginiń málimetterine qaraǵanda, 2010 jylǵy qańtar-sáýir aralyǵynda 2009 jyldyń osy kezeńimen salystyrǵanda munaı óndirý, tabıǵı gaz, temir keni, kómir óndirisiniń kórsetkishteri birshama artqan. Budan bólek azyq-túlik ónimderin óndirý, munaı óńdeý, qurylys materıaldaryn shyǵarý, metallýrgııa ónimderi men hımııalyq ónerkásip, mashına jasaý salasynda da ósimder baıqalǵan.

Atap aıtqanda, esepti kezeńde gaz kondensatyn qosa alǵanda munaı óndirý 26,2 mln. tonnany qurap, ótken jylǵy kezeńmen salystyrǵanda 107,6 paıyzǵa artqan. Sol sekildi qańtar-sáýir aılarynda óndirilgen tabıǵı gaz kólemi de 12,6 mlrd. tekshe metrge jetip otyr.

Óndiris kóleminiń ósýi elimizdiń barlyq óńirlerinde tirkelgen.