Ótken toǵyz aıda Astana qalasynyń jol polıtsııasy 193 054 ákimshilik quqyqbuzýshylyqty anyqtady
ASTANA. Qazannyń 18-i. QazAqparat /Gúlmıra Álıakparova/ - 2010 jyldyń ótken 9 aıynda Astana qalasynyń Jol polıtsııasy basqarmasy jol qozǵalysyn qadaǵalaý kezinde 193 054 ákimshilik quqyqbuzýshylyqty anyqtady. Bul týraly JPB-dan málim etti.
193 myń 54 quqyq buzýshynyń 3940-i kólikti mas kúıinde basqarǵany úshin, 75937 - jyldamdyqty shamadan tys asyrǵany úshin, 6889 - jaıaý júrginshilerdiń quqyqtaryn buzǵany, 1472 - apatty jaǵdaı týǵyzǵany jáne 2158 - joldyń qarsy betine shyǵyp ketkeni úshin ustaldy.
Atalmysh kezeńde Astana aýmaǵynda 280 jol-kólik apaty oryn aldy. Onyń 169-y, ıaǵnı 60,4 paıyzy jaıaý júrginshilerdiń qatysýymen boldy. Osy rette, jol polıtseıleri jolda júrý erejeleriniń júrginshilermen buzylý faktilerine, atap aıtqanda joldan ruqsat etilmegen jerden ótý jaǵdaılaryna basa nazar aýdardy. Nátıjesinde toǵyz aı ishinde 7048 jaıaý júrginshi ákimshilik jaýapkershilikke tartyldy. Bul 2009 jylmen salystyrǵanda (2887) 144,1 paıyzǵa kóp.
Sondaı-aq JPB-dan málim etkendeı, elorda aýmaǵynda apatty jaǵdaılardy azaıtý jáne jol-kólik oqıǵalaryn boldyrmaý maqsatynda qarashanyń 18-25 kúnderi aralyǵynda «Qaýipsiz jol» shuǵyl aldyn-alý is-sharasy ótkiziledi. Sharaǵa JPB-nyń barlyq quramy men kúshteri jumyldyrylatyn bolady.
