Ótken táýlikte 465 adam qutqarylyp, evakýatsııalandy – TJM
Keshe elimizdiń qutqarý mamandary jol boıynda qalǵan 465 eresek, onyń ishinde 39 balany evakýatsııalady, dep habarlaıdy Kazinform QR Tótenshe jaǵdaılar mınıstrligine silteme jasap.
«Qaraǵandy oblysynyń avtojoldarynda 52859 áskerı bóliminiń, polıtsııa men jergilikti atqarýshy organdardyń kúshimen qar qursaýynda qalǵan 400-ge jýyq adamdy qutqaryldy. Olar jaqyn mańdaǵy kempıngterge, jylytý pýnktteri men eldi mekenderge jetkizildi. Buqar jyraý aýdanynda 29 qarashada aýa-raıy qolaısyzdyǵynan mal baǵýǵa shyǵyp, eldi mekenge óz betinshe jete almaǵan 3 adam tabyldy», - delingen habarlamada.
Sondaı-aq, mınıstrlik aqparatynda Qaraǵandy oblysy Abaı aýdanynda qar qursaýynda avtokólikpen qalǵan 4 adamdy izdeý jumystary júrgizilgeni aıtylǵan.
Qutqarýshylar joǵalǵan adamdardy tań atarda taýyp, jaqyn mańdaǵy eldi mekenge jetkizdi.
«Odan bólek Soltústik Qazaqstan oblysynyń Taıynsha aýdanynda 29 jeltoqsanda jylqy tabynyna shyqqan shopan izdestirildi. Іzdeý toby joǵalǵan shopandy taýyp, eldi jaqyn mańdaǵy eldi mekenge jetkizdi», - dep jazylǵan TJM-nyń sońǵy aqparatynda.
Osy oraıda vedomstvo azamattardy daýyl týraly eskertýlerdi, aýa-raıynyń ózgerýin, joldardyń jabylýy týraly habarlamalardy baqylap, alys saparlarǵa shyqpaýǵa shaqyrady.
