Ótken táýlikterde respýblıka óńirlerinde qar qursaýynan 72 adam shyǵaryldy
ASTANA. 20 jeltoqsan. QazAqparat - Respýblıkanyń úsh oblysynda qar qursaýynan 72 adam shyǵaryldy, dep habarlady QR TJM baspasóz qyzmetinen.
Aqmola oblysynyń Arshaly aýdanynda «Almaty-Ekaterınbýrg» jolynyń boıyndaǵy Ijevskoe aýylynyń mańynda Aqmola oblysynyń TJD kúshimen qar qursaýynan «ÝAZ» avtokóligi shyǵaryldy.
Qostanaı oblysynda TJ bóliminiń kúshimen «Arqalyq-Joldana» jolynyń 25-shaqyrymynda qarda turyp qalǵan 3 jolaýshysy bar «ÝAZ» avtokóligine kómek kórsetildi, onyń ishinde bireýi jas sábı. Sonymen birge Arqalyq qalasynyń TJ bólimi kúshimen Tersaqan aýylynyń mańynda qar qursaýynda qalǵan «KamAZ» shyǵaryldy. Zardap shekkender joq.
Qaraǵandy oblysynyń Osakarov aýdanynda «Almaty-Ekaterınbýrg» avtojolynyń 1107 shaqyrymynda qalǵan 22 adam TJD kúshimen Osakarovka aýylyna qaýipsiz jerge jetkizildi.
