Ótken táýlikterde qutqarýshylar avtokólikterdiń 46 jolaýshysyna kómek kórsetti - QR TJM

Búgin tún ortasynda Astana-Petropavl avtojolynda, Aqkól kenti mańynda dızel otynynyń qatyp qalýy saldarynan 3 júrgizýshisimen avtobýs toqtap qalǵany týraly habar kelip tústi. Órt sóndirý qyzmeti kúshimen (5 adam jáne 1 birlik tehnıka) avtobýs júrgizýshilerimen jaqyn mańaıdaǵy turaqqa jetkizildi. Zardap shekkender joq.

Qostanaı oblysynda keshe kúndiz Sarykól-Sýly avtojolynda Sarykól kentinen 35 shaqyrym jerde 3 jolaýshy mingen «VAZ» mashınasy synyp qalǵany týraly habar jetti. Sarykól aýdany TJB kúshimen (2 adam jáne 1 birlik tehnıka) «VAZ» jolaýshylarymen Sarykól kentine jetkizildi. Zardap shekkender joq.

Sol kúni túnge qaraı «Áýlıekól-Qusmuryn» avtojolyndaǵy Áýlıekól kentinen 23 shaqyrym jerde dızel otynynyń qatyp qalýynan «Folksvagen» mashınasy qozǵalysyn toqtatqany jaıly habar keldi. Áýlıekól aýdany TJB kúshimen (2 adam jáne 1 birlik tehnıka) mashına Qusmuryn kentine jetkizildi. Zardap shekkender joq.

Búgin tańǵy saǵat bestiń shamasynda Qaraǵandy oblysynda Almaty-Ekaterınbor avtojolynyń 838-shi shaqyrymynda dızel otynynyń qatyp qalýynan «Mersedes» jolaýshylar avtobýsy toqtap qalǵan, onda 30 jolaýshy, sonyń ishinde bir bala bolǵan. Shet aýdany TJB (2 adam jáne 1 birlik tehnıka) jol polıtsııasy qyzmetkerlerimen birlesip, avtobýs jolaýshylaryn jolshybaı avtokólikterge otyrǵyzyp, Qaraǵandy qalasyna attandyrdy. Zardap shekkender joq.

Pavlodar oblysynda osy kezde Pavlodar -Qaraǵandy avtojolynda Shiderti kentinen 20 shaqyrym jerde 21 jolaýshysymen «Neoplan» avtobýsy dızel otynynyń qatyp qalýy saldarynan toqtap qalǵan. Avtobýs jolaýshylary ózdiginen jolshybaı kólikterge minip, dittegen jerine attanyp ketken. Ekibastuz qalasynyń qutqarýshylary (4 adam jáne 1 birlik tehnıka) avtobýsty jetekke alýǵa kómektesti. Zardap shekkender joq.

Barlyǵy 46 adam, sonyń ishinde 1 bala jáne 3 birlik tehnıka, sonyń ishinde 3 avtobýs qutqaryldy.