Ótken táýlikterde Qazaqstannyń 3 myń gektarǵa jýyq dalaly alqaby órtke orandy - TJM
ASTANA. Qyrkúıektiń 8-i. QazAqparat - Ótken táýlikterde Qazaqstannyń 3 myń gektarǵa jýyq dalaly alqaby órtke orandy. Bul týraly QazAqparat QR TJM-nyń baspasóz qyzmetine silteme jasap habarlaıdy.
Atap aıtqanda, Aqmola oblysynda - 60, Aqtóbede - 1300, Batys Qazaqstanda - 991, Pavlodarda - 250, Soltústik Qazaqstanda - 45 jáne Ońtústik Qazaqstanda - 190 ga alqap kúlge aınaldy.
Іri órtter Aqtóbe oblysynda oryn aldy. Máselen, Shalqar aýdany, Móńke bı aýyldyq okrýgine qarasty Amangeldi aýylynda 700 gektar jer jansa, Hromtaý aýdany Tabantal aýyldyq okrýginiń Kóptoǵaı kentinde 100 gektar aýmaqta bolǵan órt daıyndalǵan 1500 teń shópti joıdy.
Al BQO, Qaztalov aýdany, Qaztol aýyldyq okrýginiń birqatar eldi-mekenderinde qyrkúıektiń ótken 5-i kúni shyqqan jalyndy, qyrkúıektiń 7-si kúni tańsáride 991 ga aýmaqta aýyzdyqtaý múmkin boldy. Tilsiz jaý daıyndalǵan 74 teń shópti joıdy.
TJM-nan anyqtaǵandaı, tótenshe oqıǵalar saldarynan qurban bolǵandar men zardap shekkender joq.
