Ótken táýlikterde Qazaqstan ózenderine 6 adam sýǵa ketti - QR TJM
ASTANA. QazAqparat - Ótken táýlikterde Qazaqstan ózenderine 6 adam sýǵa ketti, dep habarlady QR TJM baspasóz qyzmeti.
Batys Qazaqstan oblysynyń Zelenov aýdanynyń Mıchýrıno aýylynda Shaǵan ózenine sýǵa túsý kezinde 27 jastaǵy jigit batyp ketti. Sýǵa ketken jigittiń máıiti QR TJM Batys Qazaqstan oblysynyń TJD sýda qutqarý qyzmetiniń kúshimen shyǵaryldy (4 adam men 1 tehnıka).
Aqmola oblysynyń Tselınograd aýdany Qabanbaı batyr atyndaǵy aýylda Nura ózenine sýǵa túsý kezinde 45 jastaǵy áıel adam batyp ketti. Sýǵa ketken adamnyń máıiti sýdan «OAAJQJ» MM kúshimen tabylyp, sýdan shyǵaryldy (3 adam men 1 tehnıka).
Atyraý oblysynyń Atyraý qalasy Jumysker aýylynda Jaıyq ózenine sýǵa túsý kezinde 15 jastaǵy jasóspirim batyp ketti. Onyń máıiti QR TJM Atyraý oblysynyń sýdan qutqarý qyzmetiniń kúshimen tabylyp, shyǵaryldy.
Atyraý oblysynyń Atyraý qalasynda Jaıyq ózenine sýǵa túsken eki jasóspirimniń ajaly da sýdan boldy. Olardyń máıitteri sýdan QR TJM Atyraý obylysynyń TJD sýda qutqarý qyzmetiniń kúshimen shyǵaryldy (3 adam men 1 tehnıka).
Qostanaı oblysy Fedorov aýdany Aleksandropol aýylynda qazanshuńqyrǵa sýǵa túsý kezinde 14 jastaǵy jasóspirim batyp ketti, onyń máıitin sýdan jergilikti turǵyndar alyp shyqty.
