Ótken táýlikte jol-kólik oqıǵalarynda 1 adam qurban bolyp, 10-y zardap shekti
ASTANA. Qańtardyń 15-i. QazAqparat - Ótken táýlikte respýblıkada oryn alǵan jol-kólik apattarynda 1 adam qurban bolyp, taǵy 10-y túrli dene jaraqattaryn aldy,
dep habarlaıdy QazAqparat TJM-nyń baspasóz qyzmetine silteme jasap.
Máselen, qańtardyń 14-i kúni saǵat 21.00-de Mańǵystaý oblysy Jańaózen-Aqtaý tas jolynyń 35-shi shaqyrymynda «Opel» jáne eki «Mazda» avtokólikteriniń soqtyǵysýy bolyp, onyń saldarynan «Mazda» kóliginiń 31 jastaǵy júrgizýshisi oqıǵa ornynda kóz jumsa, ekinshi kóliktiń júrgizýshisi men onyń eki jolaýshysy aýrýhanaǵa jetkizildi.
Al Soltústik Qazaqstan oblysy Aqqaıyń aýdanynan shyǵatyn Chelıabi-Jańasibir avtojolynyń 567-shi shaqyrymynda «Mazda» jáne «BMV» avtokólikteriniń qatysýymen bolǵan jol-kólik oqıǵasynda 4 adam zardap shegip, olar túrli jaraqattarmen aýrýhanaǵa jetkizildi.
Sondaı-aq, Ońtústik Qazaqstan oblysy Qarabulaq aýylynda «Deıvo» jáne «Tıko» kólikteri aýyldyń ishki jolyn bólise almaı, sonyń saldarynan ekinshi kóliktiń júrgizýshisi men eki jolaýshysy, onyń ishinde 3 jasar bala aýrýhanaǵa tústi.
