Ótken táýlikte jol-kólik apattarynda 4 adam qaza taýyp, taǵy 4-ýi jaraqattandy - TJM
STANA. Sáýirdiń 23-i. QazAqparat - Ótken táýlikte jol-kólik apattarynda 4 adam qaza taýyp, taǵy 4-ýi jaraqattandy.
QR Tótenshe jaǵdaılar mınıstrliginen habarlaǵandaı, úsh adamnyń ómirin qıyp ketken iri apat Túrkistan qalasynda «Shymkent-Samara» avtojolynyń 189-shy shaqyrymynda «Aýdı» jáne «Folksvagen» kólikteriniń qatysýymen oryn aldy. Onyń saldarynan ekinshi kóliktiń bir jolaýshysy oqıǵa ornynda jan tásilim etse, taǵy ekeýi, onyń ishinde 3 jasar bala aýrýhanada kóz jumdy. Tórtinshi jolaýshy túrli jaraqattarmen aýrýhanada jatyr.
Sondaı-aq osy kúni Atyraý oblysy Maqat aýdany «Atyraý-Qulsary» kúre jolynyń 147-shi shaqyrymynda «Nıssan» jáne «KrAZ» kólikteri soqtyǵysyp, onyń saldarynan jeńil kóliktiń 54 jastaǵy júrgizýshisi apat ornynda qaza tapty.
Al Qyzylorda oblysy Aral aýdany «Aral-Jaqsyqylysh» tas jolynyń 3-shi shaqyrymynda «Opel» avtokóliginiń júrgizýshisi rólge ıe bola almaı, onyń aýdarylýyna jol bergen. Nátıjesinde júrgizýshiniń ózi men onyń eki jolaýshysy aýrýhanaǵa jetkizildi.
