Ótken táýlikte sýǵa ketken 3 adamnyń denesi tabyldy - QR TJM
ASTANA. 12 tamyz. QazAqparat - Ótken táýlikte sýǵa ketken 3 adamnyń denesi tabyldy, dep habarlady QR TJM baspasóz qyzmeti.
Senbi kúni, 11 tamyzda Atyraý qalasynda 10 tamyzda Jaıyq ózenine batyp ketken 19 jasar jasóspirimniń denesi tabyldy. Máıitti 11 tamyzda 08 saǵat 10 mınýtta Atyraý oblysynyń TJD sýdan qutqarý qyzmetiniń 3 adamnan quralǵan jeke quramy men 1 birlik tehnıkasy sýdan shyǵaryp aldy.
Petropavlda Esil ózeninen ótken táýlikte sýǵa ketken 54 jastaǵy er adamnyń máıiti tabyldy, onyń denesin shyǵaryp alýǵa Soltústik Qazaqstan oblysy TJD sýdan qutqarý qyzmetiniń 3 adamy men 1 birlik tehnıkasy jumyldyryldy.
Juma kúni, 10 tamyzda Ońtústik Qazaqstan oblysynyń Maıatas eldi mekeniniń mańynda sýǵa shomylý kezinde 1985 jylǵy er adam Badam sý qoımasyna batyp ketti. Onyń denesi 11 tamyzda Ońtústik Qazaqstan oblysy TJD sýdan qutqarý qyzmetiniń 10 adamy men 2 birlik tehnıkasynyń kúshimen shyǵarylyp alyndy.
