Ótken táýlikte shomylý barysynda eki azamat sýǵa batyp ketti
ASTANA. Tamyzdyń 4-i. QazAqparat - Ótken táýlikte respýblıka sý qoımalarynda eki qaıǵyly oqıǵa oryn aldy. Sýǵa shomylyp júrgen eki azamat sýǵa batyp ketti, dep habarlady QR Tótenshe jaǵdaılar mınıstrliginiń baspasóz qyzmetinen.
Eki tótenshe oqıǵa da seısenbi kúni shamamen birdeı ýaqytta Almaty oblysynyń Eńbekshiqazaq aýdanynda oryn aldy. Birinshi qaıǵyly jaǵdaı Shelek aýylynda tirkelip, onda 47 jastaǵy azamat sýǵa ketti. Al kelesi oqıǵa Qaratemir aýylynda oryn alyp, 23 jastaǵy jigit sýǵa batty.
Tamyzdyń 4-i kúngi Tótenshe jaǵdaılar mınıstrliginiń málimetteri boıynsha qazirgi ýaqytta sýǵa batqan azamattardyń denesin QR TJM sýda qutqarý qyzmetiniń mamandary izdestirý ústinde.
